對毛毛呢啲咁勤力咁上進嘅員工嚟講，工作嘅動力係嚟自……pantry啲零食嘅！不過，呢個世界上竟然會有唔鍾意公司有零食提供嘅員工，仲因為咁樣而話要辭職唔撈?……下，會唔會係咁呀？

是咁的，最近有位來自重慶一間公司嘅女員工就遞咗辭職信，佢話因為呢份工需要長時間坐喺度，加上公司每日都會準備大量零食同嘢飲畀同事享用，令佢體重暴升，呢兩年嚟一共重咗12公斤呀！所以咪諗住唔撈，返屋企減肥，然後再搵過份唔使長時間對住電腦兼冇咁多「引誘」嘅工囉。 

雖然呢個辭職理由都幾有創意，但得嗰兩行字，毛毛覺得冇咩誠意囉……嗱嗱嗱，呢封就似樣嘞：

嗚哇，睇完呢封辭職信之後，毛毛突然覺得全香港嘅員工都應該辭職呀，55！btw，冇咩嘅話，毛毛都係返出去pantry食零食先～正所謂有得食唔食，罪大惡極呀嘛！

圖片及資料來源：華龍網、每日英語