各位屋企有養主子嘅奴才都知，眾主子不嬲都來去如風，最鍾意出現喺啲你估唔到嘅地方度嘅～嗱，大家睇睇呢個燈罩，中間嗰嚿肥肉幾有可疑！今次仲唔畀奴才搵到主子嘅新秘密基地？！

呢個秘密基地又真係幾秘密喎……到底主子係點樣爬上去㗎呢？（PS：櫃上面係唔用嘅舊貓砂盤。）

大膽奴才，竟然連朕嘅秘密基地都畀你搵到出嚟？係咪想干涉朕嘅私生活呀？你講吖！講吖！講吖喵！

哎呀，主子你估奴才真係咁大膽唔畀主子你喺皇宮入面自由出入咩，奴才只係擔心奴才不才，未能及時察覺主子你喺上面休息緊，萬一唔小心開咗燈，就會整傷主子咋！奴才懇請皇上三思！請皇上三思！

圖片及資料來源：Liwing Lin／貓咪也瘋狂俱樂部 CrazyCat club