嗚哇，香港終於都有得玩Pokemon Go喇！毛毛今朝捉小精靈嗰陣都miss咗2班車同1次腦細call……不過為咗為咗成為一個出色嘅小精靈訓練員，係值得嘅！話時話，唔講唔知，原來除咗毛毛呢啲死廢青鍾意玩Pokemon Go之外，連喵星人都鍾意玩㗎喎！

話說有位日本網民喺屋企捉獨角金魚嘅時候，竟然見到自己隻貓望到條獨角金魚實一實、眼都唔眨咁，好似想捕捉佢咁款喎～

咦，唔通貓貓有特異功能，可以見到呢條獨角金魚？定其實呢幾張係改圖嚟呀？

btw，喵喵怪都捉咗比卡超咁多年啦，而家你屋企隻喵星人想捉獨角金魚有幾出奇啫？再講吖，主子要玩Pokemon Go幾時輪到你出聲呀，你自己咪一早畀主子收服咗囉，奴才。

圖片及資料來源：masaiai6／twitter