Pokemon～日夜鍛鍊去取勝～！哎呀，但係毛毛練足廿幾粒鐘都仲係成日掟唔中隻小精靈，搞到嘥晒啲珍貴嘅精靈球呀！

唔使怕喎，外國設計師John Cleaver 用3D打印技術整咗呢個玩《Pokémon Go》專用嘅保護殼出嚟，等小精靈訓練員可以純熟迅速收服小精靈！呢個case中間有條打直嘅路軌，咁樣用手指向上劃嗰陣，就肯肯定唔會劃歪咗啦！

冇呢個咁pro嘅《Pokémon Go》神器都唔怕嘅，窮L精神，DIY叻過人！用兩條橡筋綁實部機，都一樣可以做到精靈球神射手！

如果連橡筋都冇呢……都唔緊要啦，毛毛知大家都一樣唔會放棄成為一個出色嘅小精靈訓練員呢個偉大理想㗎喇。不過玩還玩，記得小心睇車睇路，唔好周圍撞呀！

封面圖片、資料來源： mouri45／twitter、開服啦

仲有呢個訓練員恩物：【會唔會太細心】連寺院入面都有小精靈訓練員叉電站？