在水中央，有毒L一個，仿似畫在湖上……咦，毛毛係咪眼花呀，點解會有位日本同學仔喺泳池底度溫緊書嘅？唔通愛情動作片嘅劇情已經發展到要喺水底入面補習呢個地步？腥些～吔咩嗲！

不過水底入面唞唔到氣㗎喎，而家仲話要同腥些一齊溫書？咁樣難度會唔會太高呀……以毛毛9估，其實呢個泳池底根本就係冇水嘅，就好似金澤21世紀美術館個「天花板泳池」咁，係幻覺嚟㗎啫，嚇我唔到嘅！嗯！

其實呀，呢位日本同學仔笨唔係啲咩愛情動作片男主角，佢只係宮城縣仙台第一高等學校游泳部嘅同學仔嚟咋～佢咁做都係想善用時間，等自己可以一邊練閉氣一邊溫書啫（好似係）！嗚哇，毛毛以為自己識得利用開大嘅時間嚟撳電話，已經叫做好識善用時間啦，點知都係輸咗畀呢位日本仔……

圖片及資料來源：ichiko_wb／twitter、痞客邦