講真吖，毛毛呢啲廢青，真係腦細叫我做咩就做咩㗎喇，點敢好似呢個外國女人咁，夠膽同腦細搞對抗吖！

明明佢呢身嘅裝扮都幾好睇呀，起碼好過毛毛日日踢拖返工先啦！之但係佢腦細就睇唔順眼，話佢咁著望落去好唔專業，仲特登新加咗個dresscode，話員工以後唔畀再戴頭巾喎！

好大嘅官威呀包大人～要專登出張memo話畀員工知唔畀戴，呢條頭巾仔肯肯定有好大威力，一戴上頭間公司就會執啫！不過呢個女人就唔信邪，公司唔畀佢戴頭巾咩？佢咪變做日日cosplay返工，實行要同腦細示威囉！

佢套套outfit都好有心機㗎，化晒妝戴晒假髮呀con呀咁，絕對係誠意之作！咩呀你估咁樣樣日日cosplay唔攰㗎！而且最重要嘅係，佢一條頭巾都冇戴過，肯肯定符合公司原則㗎！

咁有勇氣，毛毛欣賞你！之不過……如果換轉係毛毛腦細話唔畀毛毛戴頭巾，我諗我應該會驚到連個頭都剃光埋……

圖片來源、資料來源：boredpanda、June J Rivas