手尾呢家嘢真係唔係人人有，呢樣嘢睇毛記電視城入面個pantry就知，啲垃圾擺到滿晒都唔抌，啲杯喺度成個星期都唔洗……唉，毛毛自己講出嚟都覺得羞恥！而最近，有位一樣咁冇手尾嘅日本網民就話喺屋企發現咗一包擺咗幾年嘅公仔麵調味料，一打開，啲調味料竟然結咗晶喎？

喂，又幾靚喎！你唔話畀毛毛知係擺咗幾年嘅調味料，毛毛仲想拎條頸鏈串起佢嚟戴?～不話話時話，點解啲調味料會變成咁㗎呢？有網民就話嘞，因為啲水分逐漸揮發，調味料入面嘅氯化鈉就會慢慢結晶，而過程中仲就將啲醬料包咗喺粒晶入面，所以咪變到咁樣樣囉。

btw，唔好以為呢幾粒晶體好大粒呀，其實只係角度帶嚟嘅錯覺㗎咋～

圖片及資料來源：T253TANK／twitter