自從香港人有得玩Pokemon Go之後，世界就開始變得不一樣……好似連條屯門公路都變得特別可愛咁。而受到Pokemon熱潮影響之下，外國竟然有人將自己隻狗染到成隻比卡超咁？

雖然佢黃色嘅毛髮、啡色嘅條紋加上紅卜卜嘅面豬登，真係好似一隻活生生嘅比卡超咁，不過so99y，毛毛真係一啲都唔覺得佢得意。反而仲覺得好嘔心……i mean 呢個當狗狗係玩具嘅主人真係好嘔心呀！

其實，動物染色劑係有機會含有化學物質嘅，呢啲化學物質會影響狗狗健康，令狗狗出現皮膚病，嚴重嘅更加可能會令狗狗死亡。另外，狗狗嗅覺咁靈敏，染色劑陣味都會令佢哋好難受！

老老77，狗本身就已經好得意，唔得意嗰個係你自己啫，想染，你咪拎自己去染囉。

圖片及資料來源：dailymail

延伸閱讀：【人神共憤】強國商人幫狗狗染色扮新品種