老老竇竇，其實收到人哋親手寫畀自己嘅卡或者信，真係會心都甜埋㗎！不過唔知點解，每次女神收到我嘅親筆信之後，都會黑晒面咁囉，唔通佢唔舒服？Any肥，外國呢兩個表兄弟就好啦，因為就算佢哋冇女朋友，都有對方每年寄生日卡畀自己講生日快樂呀！

唔好睇小呢張生日卡呀，佢已經用咗成47年，仲老過你同毛毛呀！之但係點解要咁做呢？唔通真係環保成咁？

其實係因為呢兩個表兄弟喺細細個嗰陣就約定咗每年都要用同一張生日卡同對方講生日快樂，每送一次就要喺上面簽名認證！嗚哇真係好有愛，可以搵到一個肯同你一直咁樣樣癲落去嘅人，真係好難得。能夠互相守候對方咁多年，唔係叫做愛係咩吖你話嗱！

能做對好兄弟又如此相愛……不如你哋兩個喺埋一齊啦，hehe！

圖片來源、資料來源：LincolnsLostSpeach／reddit