古乳有暈，嘢可以亂食，但說話就唔可以亂講！所以……區區一隻曱甴咋嘛，你叫到我咪食畀你睇囉。

話說，最近有位強國大隻佬喺湖南長沙一間餐廳食嘢嘅時候，竟然發現碗麵入面有隻牛龜咁大嘅曱甴……喂，見到咁大隻曱甴梗係即刻嘈個老闆娘啦，於是佢就同老闆娘講，話如果唔賠5000蚊人民幣畀佢嘅，就要吞咗隻曱甴佢喎！

起初老闆娘都淨係話會負責任，帶佢去醫院做body check，而曱甴就絕對唔會食嘅。但畀個大隻佬拋多兩拋之後，佢就諗住多一事不如少一事，默默吞咗隻曱甴喇……可惜，阿大隻佬見到老闆娘吞咁都依然唔gur，話一定要賠錢，最後佢仲去埋食品藥品監督管理局投訴?。

雖然件事搞成咁，不過患難見真情，唔係咁樣又點會見到一眾員工嘅真心呢～睇下佢哋幾咁擔心老闆娘～

嗚哇，有啲咁好嘅員工真係好sweet sweet呀！唔知佢哋今次有冇得加100蚊人工當獎勵呢？

圖片及資料來源：騰訊網