計毛毛話，一間公司最重要嘅資產唔係員工，唔係腦細，而係廁紙！試幻想下，當你爆石爆到五顏六色嘅時候，突然驚覺個廁所，冇！廁！紙！嗰種傍徨、嗰種心酸，喺廁所出面嘅人，真係識條鐵呀！唔信你睇下雙子塔個廁所：

連嗰一格廁紙都要慳住唔用留畀下一手，就知毛毛嘅同事都深明呢個道理啦～不過點慳都好，都唔夠呢間公司咁惜紙如金呀！

有讀者就send咗張夾萬相畀毛毛，話見到嗰陣差啲嚇到標尿咁樣樣喎，事關個夾萬唔係用嚟鎖金銀珠寶，而係鎖住啲廁紙，驚有人偷呀！唉，好心就大方啲，學下呢個台灣餐廳老闆咁啦！

成個廁所都掛滿晒廁紙係咩玩法？是咪最新嘅裝置藝術嚟㗎？個老闆就講返，咁樣做其實係想方便唔同身高嘅客人都可以拎廁紙拎得就手啲喎！毛毛都覺得呢個做法好體貼呀，只要唔好叫毛毛去換廁紙就得喇。55。

圖片來源、資料來源：Dcard