古有桃園結義，今有明將上契，只要一齊去挑戰過明將嘅紅豆軍艦，你哋就成為出生入死嘅好兄弟喇！唔知日本仔如果想壽司結義，是咪要食呢款炒飯軍艦呢？

呢款炒飯軍艦「チャーハン寿司」被譽為係日本静岡縣一間迴轉壽司店最新推出嘅最終兵器！只係100円一碟，好似都幾抵食咁啵。

到底炒飯軍艦係咩食法呢？唔通即係平時啲配料加炒底？你呢個問題問得真係好，我哋都好樂意解答你嘅問題！炒飯軍艦其實係炒飯加酢飯呀！上層係飯，一層又係飯，成個口腔都充斥住飯同飯，一次過滿足晒對飯嘅熾熱追求！

如果嫌炒飯軍艦太細份，都仲係滿足唔到你呢個大飯桶對飯嘅追求嘅話，不如試下呢個炒飯套餐呀，一碗炒飯加一碗白飯，雖然唔知邊碗先係餸，不過大家都係飯，不用分哪麼細啦。

再唔係咪試埋呢個白飯定食囉。首先食啖飯先，跟住就可以配一啖飯，然後又試下另一碗飯，真係諗下都覺得……好好味呀。

封面圖片、資料來源：sirabee.com

睇埋：【咁客氣呀】叫炒飯套餐 個餸竟然都係炒飯？