最近晚晚出街都會見到一大班小精靈訓練員喺度頭耷耷捉小精靈，尤其是喺啲公園呀，海濱長廊呀咁，直頭係人山人海，唔講仲以為今年中秋節提早咗呀！

最衰毛毛日日都要OT，完全冇時間去捉啦唉！聽講呀，而家有好多人都玩到好高lv，差唔多儲齊晒個小精靈圖鑑喇，不過有一隻小精靈就仲未有人捉到喎！邊隻咁神秘呀下？

咪就係呢隻可以變身做任何小精靈嘅百變怪囉！喺未有人捉到佢之前，不如捉住呢個日本新出嘅攬枕先啦？

毛毛望住張相已經覺得好治癒喇，你話如果可以晚晚攬住佢，一定好舒服嘅啫！

想拉闊又得，撳扁都得，仲要咁pink，完全就係毒L嘅最佳伴侶呀嗚哇！

圖片來源、資料來源：pk-mn.com