媽！好辣呀！辣得好過癮呀！食辣嗰種滋味，真係要自己親口食過先領略到㗎！不過講真，出街食辣又係冇咁過癮嘅，成到身水身汗都算啦，仲要食到口水鼻涕一齊流先樣衰呀嘛，所以識食辣一定係打包返屋企慢慢歎，咁先最爽皮！

有個屯門街坊都英雄所見樂瞳，喺虹橋附近買咗隻辣子雞返屋企，點知一打開！It’s magic！成盒雞除咗兩嚿冇乜肉地嘅雞背之外，全部唔係雞頸就係雞腳喇！呢位街坊仲表示盒雞大嗱嗱買咗成68蚊，買晒啲頭頭尾尾返嚟，好唔抵啫。

有咩得人驚過盒雞充斥住好多雞頸同雞腳？就係一打開個盒，有8個怨念極重嘅燒鵝頭咁樣樣望住你囉。

到底一隻雞或者鵝，點樣樣可以生到咁多頸咁多頭出嚟呢？毛毛望唔透，唯一嘅解釋就係，佢哋買到嘅其實係辣子多多同燒多多利……

封面圖片、資料來源： Pinky Yeung／屯門好生活 Tuen Mun Good Life