同幾個FD子去旅行，一齊玩一齊瞓一齊搵路，真係諗下都覺得成個畫面好春青好熱血呀。不過留意返，都可能會同佢哋因了解而嘈交㗎，話晒平時就算返學都只係每日對個鐘，而家去旅行要對足24粒鐘喎，有咩唔好嘅生活習慣都一眼睇晒！

喺外國就有班後生仔一齊去露營嘅時候嘈交喇！佢哋其中一個發現佢擺喺枱面樽堅果個蓋唔見咗呀！哼，仲唔係班死仔食完嘢冇手尾亂咁擺，整唔見咗咩！於是佢就係咁埋怨啲FD子冇手尾喇。

不過有片有真相！好彩佢哋醒目，set部機喺出面，睇下邊個先係幕後黑手！估唔到佢哋真係影到，整唔見個樽蓋嘅，果然唔係人！係松鼠！

呢個真正兇手整唔見個樽蓋都不特止，仲偷食埋入嘅堅果粒粒！

哼，仲要咁囂張咁望實個鏡頭，公然挑戰世人嘅道德同幾個後生仔嘅友誼。毛毛喺度作出呼籲，任何人士有呢個幕後黑手嘅消息，請立即影佢相開心些牙畀毛毛！

封面圖片、資料來源： liveleak