毛毛一直都以為，對一間餐廳嚟講，最緊要係keep住食物同服務嘅質素，等自己間餐廳可以留住顧客個心，點知原來……留住國家個心先係最緊要呀！汪汪！

話說，最近有網民喺重慶見到一間海鮮專門店用咗個好特別嘅吸客技巧，仲話呢個吸客技巧能夠令每個客人行過都會停低望一望之餘，仲成功表現到間餐廳對國家嘅忠心?！事不宜遲，而家就等毛毛同大家睇下～

嘩嘩嘩，間餐應竟然自製各國元首向中國跪低道歉嘅紙板公仔，仲將佢哋放晒喺門口呢個咁當眼嘅位置……呢種打飛機吸客嘅方法真係神奇！頂級！超卓呀！

不過唯一美中不足嘅係，咩「南海、釣魚島、菲律賓都是中國的」啫？應該係「冚世界都是中國的」先啱㗎嘛！

btw，之前台灣網民發起「第一屆向中國道歉大賽」嘅時候，你哋又嬲嬲豬，要搞返個「第一屆向台灣道歉大賽」嚟反撃，做乜家陣又要強迫人哋跪低向強國道歉呀？你成條女咁扭扭擰擰，叫人哋點服侍你啫？

圖片及資料來源：長春新青年／微博