食神韜韜話過，打邊爐要打得過癮，最緊要就係個爐要安全！不過當毛毛見到呢張相之後，就覺得個湯底先係最重要喇……

有強國網民去食麻辣火鍋嗰陣，驚見個湯底有兩隻手慢慢咁升上嚟，仲扶住個爐邊，就好似拍緊恐怖片咁樣樣呀！有網民話係呢兩隻係雞腳嚟，亦都有人唔信邪，話係牛蛙嚟喎！

Any肥，地獄湯底毛毛聽就聽得多喇，但多數都係得個辣字囉。呢個火鍋就唔同喇，直情將地獄嘅畫面呈現喺客人面前，呢種4D享受真係喺強國先有呀！

毛毛唔係講笑㗎，前排強國推出咗個叫做「搗蛋綠」嘅漢堡包，個個網民見到都話有童話嘅感覺呀！係呀，童話入面啲巫婆煲嘅湯，咪就係咁嘅色囉！真係睇見都想食呀！

老老竇竇，其實呢啲地獄級食物，都同佢哋本身個地方幾襯吖可……

圖片來源、資料來源：灰白橙／微博