艾粒Pokémon！日夜鍛練去取勝！一時又要飛去摩士公園捉啟暴龍，一時又要狗衝去何文田收服卡比獸，真係唔鍛練到凌晨唔得呀。

係就係第二朝會冇嚟精神扮工，不過喺家陣連中秋節都冇細路落公園玩嘅年代，可以成班後生仔一齊蒲公園，都係青春熱血嘅。

你睇班廢青，一直都冇放棄過成為一個出色小精靈訓練員嘅偉大理想，就算夜一夜都要努力戰鬥！

就算你不玩Pokémon Go，但Pokémon Go會找上你！土瓜灣就有個神秘詩人喺海心公園門口用粉筆寫咗首七言絕詩畀咁多位小智呀！佢手字仲幾整齊咁啵。

不過咁，毛毛中文唔好，佢寫得好唔好就唔識分喇，淨係睇得明最後一句咩「滿載蝙蝠」……你好喇下，唔好咒毛毛淨係捉到波音蝠呀！

封面圖片、資料來源：紅磡人 紅磡事