睇嚟大埔真係一個好地方呀下，前排林村河先有得睇《水母間》：

今日又有網民影到大尾篤村附近有一班塘虱喺度非法集結喇！

嘩一家大細都喺齊度喎！仲要咁大條咁肥美，睇嚟佢哋都食好住好呀下！

有大埔居民就話呀，其實呢班塘虱兵團都老是常出現㗎喇，除咗大尾篤村之外，喺梅樹坑同林村河都見過佢哋嘅蹤影！可能就嚟打風，於是佢哋又上返水囉～之但係唔好見佢哋肥肥白白咁，就諗住捉嚟食呀！事關佢哋又多菌又污糟，冇返咁上下功力都唔好亂食！嗱毛毛唔直接答你，用例子答你：

呢個日本仔之前就喺香港釣咗條巨型塘虱，仲煮咗佢嚟食呀！條魚係咩味？

咪就係重口味囉……唔得喇，毛毛隔住個mon都覺得好臭呀，嗚哇！

圖片來源、資料來源：wing wing／Tai Po大埔

回帶：【一直在玩命】日本仔喺香港即釣即煮巨型渠魚料理、【水母間】大埔林村河驚現大量水母？