呢排毛媽一見到毛毛玩Pokemon Go，都會伸個頭過嚟問：「呢個咩嚟㗎仔？」咁。唔係我唔想同你講呀老母，而係……我都唔知點同你解釋好！嗰種小精靈訓練員嘅浪漫，阿媽你唔明㗎喇！睇嚟毛毛要學下呢個台灣網友咁，畀啲耐性先得！

老人家唔識用智能電話，其實都好正常吖！之不過呢位網友個嫲嫲為咗學識點樣同孫女傾偈，居然好認真咁寫晒筆記呀！

嘩，真係仲認真過毛毛以前讀書嗰陣呀！起碼毛毛唔會寫咁多字先啦……吖唔係，應該係連筆記都唔會抄呀！啲人話認真嘅男人最吸引，毛毛就話認真嘅老人家先係最正囉！

另一位網民就直程整埋張說明書出嚟，話就算自己唔喺嫲嫲身邊，佢都可以跟住張圖用電話吖嘛～

你哋咁有愛，搞到毛毛都好內疚……媽！等毛毛O完T返嚟，就教你點send長輩圖呀下！！

圖片來源、資料來源：Dcard