Yo ho ho ho～Yo ho ho ho～吖，唔知大家仲記唔記得，「兩年後」路飛佢哋係喺邊度集合㗎呢？之唔係香波地諸島囉。嘩，當時布魯克幾巴閉，成個香波地諸島都貼滿晒佢Soul King演唱會嘅poster，真係巧威威呀！

而最近《One Piece》官方就宣佈，布魯克用嚟開演唱會嗰支鯊魚結他而家有得賣喇，仲要係真係彈得出聲?！咦，咁毛毛咪可以日日拎住支結他唱《New World》囉？真係諗落都覺得興奮！

睇真啲，支結他又整得幾似、幾靚喎！不過既然整得咁靚，價錢都當然唔會平得去邊啦，呢支結他賣成27萬yen，即係大約$20500港紙左右。

btw，比起呢支鯊魚結他，毛毛都係想要布魯克嘅黃泉果實多啲，食咗黃泉果實，咁毛毛咪又可以單身多一世囉～係咪呀，哈姆太郎？

圖片及資料來源：bandai