毛毛成日見到啲女同事個化妝袋都好似石咁重，唔講仲以為入面放咗紅毛泥呀！係㗎，啲化妝品一盒二盒咁，你問毛毛係咩都真係唔識分！所以唔好怪呢個小妹妹啦，佢都係以為你盒眼影係朱古力嚟先會食咗佢啫姨姨！

話說呢個網民前幾日po咗張佢姪女成身污糟邋遢嘅相，旁邊仲有盒畀人食咗大半嘅眼影?呀！冇錯，個小妹妹可能見到盒眼影生得咁似朱古力，聞落去又有糖嘅甜香味喎，上面仲要大大隻字寫住chocolate，唔食對唔住自己啦係咪先！

不過都係多得呢個妹妹偷食唔抹嘴，個網民先可以即刻發現到佢食咗眼影落肚咋！之後就梗係即刻帶姪女去做檢查啦，好彩醫生都話個小妹妹好健康，咩事都冇～嗯，人就冇事喇，難為個網民之後要去幫盒眼影做急救囉！事關呢盒嘢聽講好似好貴㗎喎……

Any肥，其實呢個網民可以學下國母咁，用麵粉嚟化妝吖（好似係）！

又化得靚，就算下次姪女又想食咗佢嗰陣都唔使擔心佢有事吖嘛！55。

圖片來源、資料來源：llaurenbbby／twitter