毛毛幾時都話高手在民間！尤其是係日本仔呀，應該已經冇嘢可以阻止到佢哋對神之手喇！喂諗咗去邊呀，毛毛係講緊佢哋整手工嘅手技咋！

毛毛以為呢個食完波士頓龍蝦再用返啲龍蝦殼嚟整沙煞比模型嘅網民已經夠屈機㗎啦：

點知最近又畀毛毛搵到兩個世界級神手嘅日本仔喇！用紫蘇葉就砌到隻哥斯拉出嚟你見過未？毛毛見過，真係見過！

老老竇竇，其實咪同毛毛平時倒瀉茶葉嗰陣時差唔多……之不過佢有心機整返好，呢層又係真嘅。而另一個網民就仲勁，就算係手指尾咁細隻嘅蟬殼都畀佢拎嚟砌咗隻恐龍出嚟呀！

手技勁都唔再講，毛毛最欣賞嘅，係佢嗰份勇氣！事關毛毛隔住個mon睇都打冷震……如果要毛毛拎住啲蟬殼嚟砌模型真係會頂唔緊……老子什麼都怕呀，嗚哇！

圖片來源、資料來源：L_hon_814／twitter、samusest／twitter