一講起上水，大家就會即時諗起「強國人」、「水貨客」、「藥房」同「喼」。唉！咁事實上上水又真係畀呢幾樣嘢包圍住嘅……唔好話上水居民啦，就連毛毛呢啲一年都唔去一次上水嘅都覺得恐怖，更何況係堅．上水居民呢。

不過，隨住早兩日颱風妮妲吹襲香港，寧靜又舒服嘅上水竟然再次出現喺大家眼前！

大家睇下呢條天橋幾少人～誇張啲講，真係合埋對眼行路都唔怕畀啲喼轆親，就連平時people mountain people sea嘅上水站都清靜咗好多呀！

而有網民都表示，打完風嘅上水真係好好行，就算自己搬走咗都特登返嚟行個圈～

估唔到颱風都可以間接為市民帶來好嘅影響！btw，如果上水唔使靠颱風都可以keep住日日咁舒服咁靜，你哋話幾好呢。

圖片及資料來源：Connie Fung／上水人大聯盟、Ame Chan／上水人大聯盟、Billy Mak／‎North District 北區