不知不覺，又嚟到全年陰氣最重嘅月份…冇錯，就係農曆七月鬼節呀！有台灣網民行行下街嗰陣就發現，有個女人頭居然喺架電單車塊倒後鏡度一直望住佢，望到佢心裡發寒呀……

小姐，你冷靜啲，唔好啤得咁兇狠住先，有事慢慢講喎。唔啱我煮個麵，吖唔係，燒個麵畀你食吖？

不過老老竇竇，毛啦啦邊度走個女人頭出嚟呀？終於，呢個網民鼓起勇氣，決定要摷呢個女人出嚟！

一切謎底都已經解開了！原來呢個女人頭只係佢身後嘅一張廣告嚟，唔係咩來自陰間嘅朋友仔囉！不過老老竇竇，其實對於毛毛嚟講，平時出街都冇人埋自己身㗎啦～撞鬼咋嘛，咪當識多個朋友囉，嗚嗚！

圖片來源、資料來源：Yen Chan