由二十歲起，你開始關注眼睛健康，介紹你，一張相，考下你到底有冇眼花花！

下？就係呢張相？咪一堆木頭囉，有咩特別先？聽講相入面暗藏喵星人，但毛毛真係搵嚟搵去都搵唔到囉，說好的喵呢……

燈燈燈凳！開估啦！見唔見到有隻大懶貓喺木頭上面覺覺豬呀？隻喵星人同堆木頭差唔多色，又係打橫一條條攤喺度，唔怪得Post相嘅日本網民話佢足足用咗十分鐘先搵到啦。

好喇，如果你好叻豬咁好快搵到隻喵星人嘅話，讚下你囉。又考下你搵唔搵到呢張相入面嘅喵星人匿埋喺邊先！限你五分鐘內要搵到呀！

下？你五秒就搵到？好叻咩，少年，你真係太年輕喇，你估毛毛會出條咁易嘅題目畀你咩？假的！你眼睛業障太重！你搵一世都冇可能搵到隻貓喺邊呀，因為呢張相入面，根本冇喵星人！呢嚿其實係樹根嚟㗎！

發現自己眼力好差都唔使灰心嘅，其實毛毛咪又一樣……今朝諗住搵副眼鏡嚟戴啦，點知搵嚟搵去都搵唔到，仲搞到遲咗出門口……呀，明明戴住眼鏡睇嘢應該清啲㗎，點解都係睇唔到嘅？

封面圖片、資料來源：kuroicc／twitter

＜考眼力系列＞
【現代聊齋】樹根變咗做隻貓呀！

【傻傻分不清】狗仔你唔好再瞓喺地毯上面喇 我係咁kick親呀！

都叫你唔好用咁花嘅地毯㗎啦 我搵唔返個電話呀