大頭蝦嚟講，毛毛敢認第一，冇人敢認第零！漏銀包漏電話漏鎖匙…你講得出嘅，毛毛都漏過晒！（除咗漏M）

台灣有隻大頭蝦都同毛毛一樣咁懵豬豬，漏咗副黑超喺飲品店呀。話說佢喺台式飲品店買咗杯嘢飲之後就開開心心去睇戲啦點知夜晚返到屋企先發現副黑超唔見咗！不過呢啲都唔重要！最心痛嘅係佢副黑超係佢諗咗勁耐先捨得買嘅名牌嘢嚟㗎！唔見平嘢都夠慘啦，仲要唔見貴嘢，一定好崩潰喇！

好彩，之後佢諗諗下醒起副黑超應該漏咗喺飲品店，於是就打去問下，碰下運氣啦，店員真係話執到副黑超，仲話會幫隻大頭蝦keep起佢?呀。

咦？副黑超呢？原來個細心嘅店員幫佢將副超當飲品咁封咗入膠杯呀～咁又係呀，話晒都係飲品店，如果唔小心整濕咗點算呀，封印住佢就實冇死啦！

係人都知台式飲品店啲哥哥姐姐一腳踢，返工好似打仗咁忙㗎啦，但個店員竟然仲喺杯上面寫咗「主人快來帶我回家」，成個故仔真係好有愛呀，如果喺香港，唔知會點呢…… 

封面圖片、資料來源：agygy／PTT