古乳有暈，國家要開放，思想要開放！而家整容好平常㗎喇！你睇下蛇精男咁，整完容大大聲話畀人知不特止，再加埋重型PS裝甲，影出嚟啲相唔睇得都嚇得，喺網上面幾受大家歡迎呀（好似係）！

唔知呢個強國女係咪都跟咗蛇精男學嘢呢？事關佢整完容之後，居然嫌自己張身份證張相入面對眼太細，用?刀刻咗兩大條又粗又黑嘅眼線落去呀！當工作人員諗住抹走條眼線嘅時候，佢仲細細聲咁話：「唔使抹喇，我用刀?㗎！」咁樣樣，幾有霸氣呀！好彩，最後佢拎返張舊證出嚟，證明到相中人係佢自己，先至順利過關咋！

估唔到而家一把刀除咗可以帶去全世界切生果食之外，仲進化到可以拎嚟PS！下次想即刻P相，唔使電腦嘅，好似呢個強國女人隨身帶住把刀咪得囉！

強國人仲有咩係做唔出？毛毛答唔到，真係答唔到。

圖片來源、資料來源：中國民航網