作為一個專業嘅高達，身上冇返少少戰鬥過嘅痕跡係唔得嘅！不過咁，好似毛毛呢啲低手咁，自己用掃幫隻高達上色好易出事㗎嘛……有見及此，有網民就用咗一個既方便又快捷嘅方法嚟幫高達上色～

首先，你要有一個鐵罐、一盒迷你炮仗同一個高達模型。

跟住，就將個高達模型放入鐵罐度（碎上）。

然後，點著串迷你炮仗，再放埋入個鐵罐度……啪啪啪啪卜卜卜卜！

最後，再砌返個高達模型出嚟……

登櫈！一個有戰鬥痕跡嘅高達就咁完成咗喇，係咪好有型呢？

btw，雖然呢位網民整完個效果又好似幾靚仔咁，不過毛毛有啲擔心，如果真係用炮仗炸嘅話，個高達會唔會一個唔小心炸到粉身碎骨、砌唔返㗎……咁到時就真係rest in piece喇喎！最後，溫提返，使用炮仗係有一定危險性，屋企嘅大中小朋友切勿模仿呀。

資料及圖片來源：傾奇