夏天，為大地帶嚟美腿之餘…仲帶嚟胳肋底！夏天咁熱，唔著背心出街點頂得順呀，不過唔少妹豬都會怕怕醜醜唔敢舉高隻手，驚畀人睇到個胳肋底唔靚呀嘛。其實使乜諗咁多呀，學呢隻貓貓咁咪好囉！舉高隻手，使乜怕醜！

之前都同大家介紹過呢隻有不良嚐好，成日舉高雙手嘅喵星人啦，原來佢唔止多fan屎，仲有好多PS大神出手幫佢改圖！事不宜遲，一齊睇下啲出色作品先！

呢期咁興Pokémon Go，點可以唔同小精靈影返張相呀！喂喵喵怪你好放手喇！

奧運就嚟開幕喇，喵星人成日舉高雙手話唔定都係為咗奧運拉定筋，做足準備！

PS大神嘅創作力量同幻想真係會嚇你一跳呀！你睇呢隻舉手貓，捉魚、扮獅子王、玩過山車，連唱YMCA都一樣得，真係新一代萬能Key呀！（between，毛毛對眼離開唔到過山車第一排個細路…）

隻貓貓舉一舉水就呃到咁多like，毛毛平時都係咁樣向住腦細投降就冇人理，公平咩！毛毛嬲呀！唔撈喇！（講笑咩，下一秒即刻執返啲文件啦）

封面圖片、資料來源：bored panda

回帶：【咪郁！】貓貓做咩成日都舉高雙手呀？