2016年08月05日 星期五
等足六年阿媽終於批准自己養狗 九歲小妹妹開心到喊出嚟
十個小朋友，有九個都話想養寵物。不過呢位外國小妹妹就偏偏係剩低嗰一個，佢唔係想養寵物，而係好想好想好想養寵物呀！！！
話說，呢位小妹妹由三歲嘅時候就已經好想養一隻柴犬，可惜一直都冇機會養。直至最近，即係喺佢九歲嘅生日會上，阿媽終於幫佢達成咗呢個願望喇！3、2、1……係一隻好打耳嘅柴犬BB呀！柴犬Gotcha！
小妹妹一見到柴犬BB嘅時候都未識得反應，呆咗兩秒，然後就瘋狂尖叫：「omg！」
最後，小妹妹仲開心到忍唔住喊咗出嚟?……
真係恭喜晒小妹妹終於夢想成真，可以成為小主人！不過記住，剩係做小主人係唔夠，仲要做個負責任、會照顧狗狗一生一世嘅小主人先夠㗎～
圖片來源：daily mail
