一年容易又七月，雖然未到七月十四，但聽講成個月都會有怪事喺身邊發生㗎……

就好似呢個鴨仔棉花糖咁咋嘛，個主人見佢咁打耳，唔捨得食，咪擺住喺度先囉，點知可愛只係佢嘅外表！

只係一晚咋！佢已經畀殭屍吸乾晒啲靈氣，由傻鴨變到隻相思雀咁樣樣喇！嗚呀，真係嚇到個心離一離呀！

都話七月好猛㗎啦，唔止鴨仔呀，連蛋黃哥都一樣呀，你哋真係死得好慘呀……喂呀唔好自己嚇自己啦，話唔定佢哋只係驚間健身中心執笠，操得心急咗啲所以先瘦得滯啫。原來笠住膠袋做運動會瘦成咁㗎，唔怪得咁多男人做愛做的運動嗰陣都唔鍾意笠膠袋啦，嗯嗯。

封面圖片、資料來源： Trista Chiang