2016年08月07日 星期日
【我話我話事】著咗呢件衫，仲有邊個夠薑同我爭車位呀？
今時今日，手臂冇返一堆紋身，泊車嘅時候仲邊有人畀面？好似係。不過紋身好痛㗎喎，而且日子耐咗又可能要補色，你哋估話紋就紋到㗎咩……嗱，想又要威又要戴頭盔？其實唔難吖，好似呢位日本網民咁咪得囉。
表面上，佢係一個左青龍右白虎嘅硬漢子，但事實上……
佢只係著咗件有紋身圖案嘅衫咋！呢位網民話喎，佢之所以著住呢件衫係有兩個原因嘅，一嚟件衫可以防曬啦，二嚟就係著咗呢件衫之後冇人夠薑同佢爭車位呀！我做我大事～我話我話事～
btw，其實唔止麻甩佬可以著呢件衫㗎，bb仔著都一樣有霸氣盡露嘅效果啫～哼！睇下以後仲有邊個夠膽搶我啲玩具？
圖片及資料來源：williamkento／twitter、dailymail
