2016年08月07日 星期日
【啊哇呾喀呾啦】我終於同哈利一樣有閃電形疤痕喇！
眾所9知，哈利波特額頭上嘅閃電疤痕，其實係佛地魔用索命咒攞佢命嗰陣唔小心咒語反彈而造成。所以，如果大家想要條一模一樣嘅閃電疤痕嘅話，就應該得佛地魔先做到。不過可惜佛地魔一早就去咗賣鹹鴨蛋，所以呢位洋妹豬都係侷住搵個麻瓜紋身師傅頂住當先嘅……
嗱，大家唔好睇少麻瓜嘅實力！雖然一眾麻瓜唔識魔法，但佢哋都可以將哈利條疤痕100%還原返出嚟㗎～
睇下，呢位妹豬見到自己額頭有同哈利一模一樣嘅疤痕嗰陣，個樣幾開心！仲感動到眼有淚光咁款?……係愛呀哈利！
btw，鍾意哈利就話可以紋個同佢一模一樣嘅疤痕啫……但如果毛毛鍾意嗰個係佛地魔呢，咁點算呀？
圖片及資料來源：Magaluf Box Office
回帶又回帶：終極《哈利波特》迷 將小說第一頁油落幅牆
