眾所9知，里約奧運首日嘅賽事已經結束，而今朝央視新聞就喺微博度投訴，話有網民發現2016里約奧運所用嘅中國國旗疑似出錯，又話「國旗是一個國家的象徵！不容有任何問題」咁喎……

佢話正確嘅中國國旗應該係四粒細星嘅其中一個角要向住粒大星嘅中心！即係咁：

而唔係好似圖中呢兩面中國國旗咁，全部星星嘅角度都一樣，擺到正一正：

喂大佬呀，你知唔知一面國旗係代表緊一個國家，代表緊十幾億人，係好重要㗎！你連咁簡單嘅嘢都出錯，叫班玻璃心情何以堪啫？係咪想拍片道歉呀而家？

不過，有心水清嘅網民就發現，喺早幾日《南方日報》一篇報導入面就提到，原來今次2016里約奧運所用嘅服裝、國旗等等全部都係made in china嘅……er…er……法官大人，毛毛冇嘢問喇！冇咩嘅話，毛毛返出去食埋啲花生先。

圖片及資料來源：央視新聞、南方日報