2016年08月07日 星期日
【怪獸家長系列】個囡膝頭瘀咗就控訴跳舞老師教嘅動作太難
以前，老師係要嚟尊重；而家，老師係要嚟投訴……好似係。
話說今日有家長喺大埔group度開post，話自己個囡嘅跳舞老師教嘅動作太難，加上老師罔顧學生安全，搞到佢個囡跳舞跳到膝頭哥傷晒喎！另外，佢又投訴啲表演服飾太性感，仲要求取消埋個表演?……嘩，乜咁大件事呀？等毛毛同大家一齊睇過！
投訴完一輪，老師終於回應：
不過見到老師呢句「跪地轉圈有幾高難度？」，呢位家長就更加嬲嬲豬，開始連珠炮發轟炸老師……
唉老師，你明唔明呀？老師一定要當啲學生係親生仔女咁嚟愛護先得㗎！而當呢位家長見到連其他家長都唔撐自己嘅時候，就開始轉插第二樣……改為投訴表演服飾太性感，老師冇幫學生打底？！
唔止咁，呢位家長仲話如果老師唔認錯嘅話，佢就會有所行動，將所有whatsapp對話放上大埔group公審呢位老師?！（之不過頭先又del咗post啫……）
老老77，如果真係驚跳舞動作太難嘅話，不如改叫廣場舞吖，應該會安全少少嘅，55。
圖片及資料來源：Tai Po 大埔（已del post）
