強國人，可能係全宇宙最神奇嘅民族。到底仲有啲咩係佢哋做唔出嘅呢？毛毛唔知，真係唔知。

話說最近強國公安嘅路邊監察器就影到震驚13億人嘅呢一幕。貨車車頭度毛啦啦有條友仔趴喺度係咩玩法？唔通天氣真係熱成咁，搞到佢要走去車頭度，用生命吹風？

少年你太年輕了，其實係因為呢個強國司機超速，但係又唔想畀人影快相，結果就諗出呢個超級直必腸嘅方法，叫個乘客拋自己個身出嚟擋車牌囉！唔係講笑㗎，你睇佢連底底邊都露埋出嚟，就知佢係好認真咁對待呢件事啦！不過老老竇竇，其實畀人影到快相又點喎，最多咪坐監！明明之前啲同胞為咗睇櫻花，自己翻牆入監獄都肯㗎喎！

強國人嘅思想，係我哋呢啲普通人睇得透㗎咩？冇咩事毛毛出返去同強國人講對唔字先，55。

圖片來源、資料來源：榆林交警／微博