唔知由幾時開始，呢間舖又話唔收毫子，嗰間舖又話唔收銀仔，啲大餅積積埋埋成座山咁高呀！原本毛毛都諗住儲嚟當上樓基金㗎喇，點知又畀我見到呢個日本網友居然勁到咁樣樣喎！

到底隻手要幾定先可以用銀仔砌到呢啲模型出嚟呢？又一柱擎天、又扭晒麻花咁，會唔會誇張咗少少呀？

有網友仲9估，話佢一定係建築師或者係工程師，所以先會咁犀利喎！

佢咩職業毛毛就唔知喇，之不過計毛毛話，佢肯肯定係毒L嚟！如果唔係邊度有咁多時間砌銀仔，同埋有咁多錢剩喎……應該係，除非唔係，55。

圖片來源、資料來源：thumb_tani／twitter