毛毛都知香港土地問題嚴重㗎喇，想有個單位難，估唔到連想搵個車位泊下車都咁難！

有網民就同毛毛講，話佢噚晚去大埔諗住泊車，去到呢個停車場嗰陣又咁啱見到有架車走，咪諗住倒後泊呢個位囉！點知就有個女人失驚無神走過嚟，仲坐咗喺地下度?呀！

毛啦啦坐喺地下度，冇病吖嘛？嗱毛毛係真係擔心佢㗎，驚佢行行下街唔舒服呀！但原來呢個大媽只係想霸住個車位，唔畀個網民泊入去囉。咩啫，你估咁樣做易㗎，公德心多少少都做唔出呀真係。

佢之後仲即刻打電話，call佢班fd子嚟泊車?！又係喎可，咁辛苦先霸到個車位返嚟，梗係要即刻同班fd子開心些牙啦！而原本想泊呢個車位嘅網民就只能夠默默咁搵過第個位……Between，聽講呢個大媽都唔係第一次咁做㗎喇，功力深厚到直情同佢塊面皮一樣呀！唔知點解，毛毛突然諗起一句說話，好似係咩人無恥，則無敵……

圖片來源、資料來源：Thomas Woo／Tai Po 大埔