人生就係充滿住無奈，有好多嘢，平時見到你又唔珍惜，但係一到需要佢嘅時候你就知佢有幾重要喇。就好似M巾咁呀，大姨媽連門鐘都唔撳，強行衝咗入屋，你真係出盡奶力都擋唔住，呢個時候如果咁啱冇帶M巾真係唔知點算呀。M巾咁重要，但係台灣呢個衰人竟然亂咁周圍黐？！

嘩搞咩嚟呀？M巾大逃亡呀？成個廁所都黐滿晒M巾，數下先……加加埋埋成十幾塊喎！仲要係超特長夜用，好貴㗎嘛，邊個衰人咁大嘥呀？

仲要連sss坑上面都黐咗個大交叉封印住，到底係咩玩法呀？睇嚟小姐你壓力都幾大下喎……不過咁，一陣你姨媽到先發現啲M巾畀你玩晒冇得用，仲大壓力呀。

睇嘢又唔好睇表面～係人都知台灣一到夏天就成日打風落大雨，話唔定個M巾狂人都係驚廁所漏水，大家去得唔暢快，所以先黐定啲M巾索水啫。

封面圖片、資料來源：Karan Wang