而家啲細路iPad當奶媽，對住個mon就萬事足，唔知仲有冇小朋友要爸爸媽咪坐喺床邊講故仔氹佢哋覺覺豬咁pure咁true嘅呢？

如果你個小朋友就係其中一個，都唔好咁開心住呀，唔好以為講故仔就係打開本書對住讀咁簡單呀，揀錯本故事書，分分鐘教壞細路㗎！最近有網民就話佢朋友講講下故仔先發現伏已踏中，個故仔原來離晒罩。嗱，自己睇啦：

原來呢個故仔本身係格林童話其中一篇嚟嘅，不過網民就覺得無論故事出處係邊度，大人都應該灌輸正確嘅價值觀畀小朋友，出版社唔應該喺最尾個「親子蜜語」度大讚個廚師「急中生智」，間接教小朋友走精面、講大話。

唉，個廚師又失職又講大話又自私、做嘢唔理後果、走精面，點知最後仲有人讚……喂，搞錯呀！又話係童話，點可以咁寫實㗎！實在太似我哋日日對住個擦鞋仔同事喇！毛毛真係好嬲囉！好嬲呢本書點解唔改名做「扮工室生存大法」呀！

封面圖片、資料來源：Cathy Lai