空氣，你而家求其用個鼻索一索都有啦，差在清新定混濁嘅啫，咁都會有人畀錢買？係呀，你啱啱打開嗰包零食咪係囉。你以為係薯片呀？其實係空氣嚟咋傻豬。

會賣空氣又傻豬肯照買嘅，咪就係薯片囉！不過都唔好嬲到鬧佢係雞係公廁住，其實薯片都好有用㗎！泡菜國就教小學生，搭船嘅時候，一定要帶返包薯片旁身！毛毛明嘅，搭船咁悶，冇啲零食咬下係冇乜細藝㗎喇，開包薯片同同學仔食下就最開心！

少年，你太為食了。其實包薯片好有用㗎，有起咩事上嚟，小朋友可以攬實包漲卜卜嘅薯片當係水泡咁用，浮喺水面，隨時救返一命！

真係估唔到薯片原來好食仲咁好用，毛毛都係去超市大手買入十箱八箱先得！不過薯片咁大包好嘥位㗎喎，用住空氣包當水泡先得唔得？不用分那麼細啦，大家都係唔同味嘅空氣啫。

封面圖片、資料來源： kinisoku／twitter