講到扮工叻，相信毛毛認咗第一，都冇人敢認第二！其實返足成日工都唔算辛苦呀，最辛苦係要對住嗰個黑面神……所以得閒要搵啲得意嘢睇是常識吧！

嗱嗱嗱，呢隻柴犬就不得了喇！狗仔識笑毛毛見得多，但笑到好似呢隻咁，又識單眼，個嘴角又識向上彎嘅，就真係未見過呀！

佢對鏡頭嘅敏感度真係勁過毛毛一萬倍，唔做明星真係嘥晒呀！不過人哋而家喺挨豬都好紅㗎喇，是但up張相閒閒哋都過千like！

喂阿柴你笑得咁靚，不如教下啲黑面人點樣笑吖……？

圖片來源、資料來源：yumohiyo／instagram