雖然已經立咗秋，不過show身材呢家嘢冇分季節嘅，你唔見挨豬上面一樣有好多妹豬日日post相話畀人知佢哋身材有幾fit 去gym房做運動嘅咩？

減肥同駕馭身邊個男人一樣，係女人嘅終身事業，去gym房做運動笨唔係妹豬嘅專利！大媽都可以去揮灑汗水㗎，你睇呢位大媽幾搶眼？呢條片分分鐘仲多like ＆ share過啲IG女神喺gym房自拍嘅相呀！

睇得多IG女神嘅相，以為做運動一定要住sports bra曬人魚線呀？少年，你太年輕喇，識做gym一定係好似呢個大媽咁，著長裙踢膠拖咁做！

唔止個look掂呀，佢連姿勢都十足，睇得又打得㗎。姊妹們一齊跟住做！左拉拉，右拉拉，向前衝又向後挨！毛毛一直以為做gym實係硬蹦蹦咁做，但呢位大媽有如舞者一樣嘅姿勢開拓咗毛毛嘅眼界，打破固有嘅觀念！

Between，gym房入面冷冰冰嘅器材又點襯得起大媽優美嘅舞姿呢？毛毛強烈建議佢同班志同道合嘅姊妹一齊跳廣場舞！

封面圖片、資料來源：  juicymj_／instagram