咩話？今朝紅雨呀？是旦啦，關毛毛咩事喎！就算香港有龍捲風我都係一樣要返工㗎啦！之不過住喺大埔嘅街坊就慘啲喇，事關佢哋分分鐘要游水返工呀！

有街坊就影到呢條喺太和泳池附近嘅隧道浸到咁樣樣，仲話啲水已經高到上小腿喎。計毛毛話仲使乜行咁遠去泳池吖，喺呢度玩下水咪得囉！

呢個位就仲誇張，啲水深到落去潛返個水都仲得。不過海底奇兵唔係個個都做得㗎，好似呢架的士同小巴咁就中晒伏喇！

Between，其實大埔都出咗名係水都嚟㗎喇，次次一落大雨就會周圍都水浸！

好似上年年尾咁，都有街坊影到太平工業大厦對面條隧道浸到完全行唔到，咁搞法連馬浚偉都頂唔順啦！

老老竇竇吖，其實我哋香港人都已經接受咗就算海嘯都要返工嘅命運㗎喇，但係啲所謂正苦官員可唔可以真係關心下市民需要啲咩，等我哋返工都返得條氣gur啲呀？

圖片來源、資料來源：Raymond Hung／Tai Po大埔