作為一個文青，使成三十幾蚊買杯咖啡，唔post返張相話畀人知自己好有生活態度又邊抵飲㗎？不過人post咖啡你又post咖啡，邊呃like㗎。嗱毛毛教精你啦，下次買完咖啡咁樣樣影張相，就實爆like喇！

呢個就係企不穩嘅咖啡杯上面個膠杯蓋喇，唔好以為佢嘅用途就係笠全啲cream咁簡單呀，其實識得用，一樣好好用！

就係穿條耳筒線入去，再擺部電話喺上面facetime用喇！相信大家都試過facetime嘅時候迫住打直部機，但條耳筒又喺正部機下面，冇得擺佢喺枱面，搞到一邊傾一邊手都痺～好似佢咁set法，咪可以free對手出嚟一邊facetime一邊食嘢囉（或者做其他啦…嘿嘿）～

手就得兩隻，又要揸機又要整其他嘢，邊度夠用呀。開心大發現，智慧大湧現！其實手機夾都可以用嚟hold實個風筒，等你對手得閒set頭㗎！Between，毛毛覺得膠杯蓋仲可以有其他用法啫，就係兩個穿埋一齊當bikini著，中間個圈圈仲可以透下氣?～　

封面圖片、資料來源： dcard

睇埋：【懶人福音】用手機夾hold實個風筒又幾方便喎！