2016年08月10日 星期三
【玩殘男朋友系列】「我是gay」先生您好，這是您的包裹！
眾所9知，一年一度嘅七夕就已經過咗啦。雖然對毛毛嚟講，七夕係一個提醒自己仲有七日就到鬼節嘅日子，但對一眾情侶嚟講，呢個咁高興嘅日子就梗係同另一半好好慶祝一下啦！而呢位台灣網民都唔例外，佢位同佢相隔兩地嘅女朋友仔話要寄份禮物畀佢，仲話要畀個考驗佢?～
嘩，咩考驗咁巴閉呀？之唔係要呢位網民自己去攞呢個收件人係「我是gay」嘅包裹囉！
btw，女朋友仔玩嘢將收件人個名改做「我是gay」又點吖？呢位網民仲尷尬過你啦……事關佢女朋友幫佢改咗個名做「我下面很大你要不要看」呀！
老老77，毛毛覺得最難為嘅都唔係呢班畀女朋友玩嘅仔仔，其實最難為嘅應該係毛毛先啱呀！你哋都話有得畀女女玩下吖，毛毛呢？毛毛連毛都冇條呀……
圖片及資料來源：dcard
