聽講每個男人心入面都希望自己可以擁有一架屬於自己嘅靚車，然後揸住佢無拘無束咁周圍去4……正所謂「我有車～我有壓抑需要發射～」呀嘛！冇美人，想要返架香車都好正常啫！不過咁，你哋估搵架屬於自己嘅車咁易㗎？

嗱，呢隻倉鼠就做到呢～佢唔止有一架屬於自己嘅車呀，佢嗰架仲要係超級跑車GT-R嚟?，真係型到阿媽都唔認得呀！睇下佢個衰樣幾得戚～

老老77，其實毛毛個樣都幾人見人愛車見車載㗎喎，呢位靚仔介唔介意兜埋毛毛呀？毛毛相信跟呢位靚仔出去兜風一定好好feel㗎啫！係咪呀哈姆太郎？

圖片及資料來源：coolcars_kirei／twitter