我哋周不時都睇到話強國空氣質素差嘅新聞，嗱唔好以為強國正苦咩都冇做呀，其實佢哋都有加大力度更好地打造和諧優美嘅生活環境！

就好似河南呢條行人道咁呀，最近就搞咗個「硬化工程」，用水泥封實啲泥土，等啲沙呀塵呀唔會一吹就揚起晒咁囉。

不過大家都估到啦，因為監管不足同埋人手問題，工人冇跟住要求做嘢，咪出現咗呢個大家都唔期待嘅畫面囉。個工程唔止夠晒硬，仲好有強國特色呀下。

唔少網民睇到相都留comment大讚當地官員係智將呀！見到咁和諧嘅畫面，毛毛相當感動。

笑什麼笑，你也是某國人！舊年喺馬鞍山一樣都有慘慘嘅樹根畀人用水泥封住，轉個頭再搵工人剷返起！人哋話種瓜得瓜，種豆得豆，但係估唔到種樹都可以得魚喎，多嚿魚呀。

封面圖片、資料來源：微博商丘

回帶：典解要用水泥種樹嘅？