其實毛毛一直都好想要個細妹㗎，可以照顧佢，睇住佢一直成長，而佢又會錫返毛毛呢個阿哥，呢種感覺一定好正嘅啫！就好似外國呢對兄妹咁，真係隔住個mon都feel到佢哋有幾相親相愛呀！

是咁的，話說呢個阿哥諗住整pancake食，例牌就梗係要問埋阿妹食唔食㗎啦！佢仲好細心咁問埋阿妹塊pancake要幾大?喎！一定係個好阿哥嚟嘅啫！而妹妹亦都好識做，話塊pancake幾大都無所謂，於是佢就得到呢塊嘢喇！

你睇下塊pancake係幾咁精緻，出面啲高級餐廳都係咁樣擺盤咋嘛！隻碟就大大隻、嘢食就細細份，咁樣先矜貴呀！咦但係做咩阿妹你個樣……好似黑都面晒咁嘅？

唔好咁嬲住先，其實之前日本都有個網友話要咖喱飯結果佢細妹真係畀咗少少佢㗎：

計返個面積，阿妹你塊pancake大過佢碟咖喱飯咁多，阿哥佢都算係有良心㗎喇，55！

圖片來源、資料來源：Juhmil／twitter